-
O club agradécelles o traballo realizado polo ben do Compos e deséxalles a maior das sortes
Santiago de Compostela, 14 de xuño de 2024
Juampa Barros e Samu Araujo non continuarán na SD Compostela na Tempada 24.25. O club agradécelles o esforzo e a dedicación polo ben do equipo na súa etapa como compostelanistas e deséxalles a maior das sortes para o seu futuro deportivo e persoal.
No caso de Juampa, o extremo compostelán pecha así a súa segunda etapa no Compos, tras unha campaña na que disputou 28 encontros, marcando 4 goles e repartindo outras tantas asistencias. Deste xeito, unido ao seu primeiro periplo en Santiago, deixa o club con medio centenar de partidos xogados.
Pola súa banda, Samu Araujo despídese do club tras unha tempada na que participou en 12 partidos, antes de caer lesionado.
Moitas grazas por todo e moita sorte para o futuro!
