-
Carlos “O Puma” de Lerma liderará o proxecto branquiazul na Segunda Federación
Santiago de Compostela, 7 de xullo de 2026
Carlos Tornero López de Lerma (San Vicente de Alcántara -Badaxoz-, 07/10/1984) é novo adestrador da SD Compostela para a Tempada 2026/27. O técnico estremeño, alcumado “O Puma”, dirixirá ao club compostelanista no seu regreso á Segunda Federación.
O Compos estará liderado por un adestrador novo, cunha dilatada carreira como xogador, e que, no seu debut nos bancos, demostrou unha gran capacidade de xestión e liderado.
O seu salto aos bancos produciuse no Marbella FC, club no que se retirou como futbolista. No equipo andaluz estivo unha tempada e media como técnico auxiliar e segundo, formando parte do ascenso á Primeira Federación, previo paso a comandar ao equipo como primeiro adestrador.
Baixo o seu mando, cabe destacar unha histórica salvación na Primeira Federación, grazas a unha recta final de Liga 24/25 na que o equipo andaluz conseguiu unha xeira de resultados moi positiva, especialmente coma local, da man dun gran fútbol.
Anteriormente, como futbolista, De Lerma tivo unha prolongada carreira futbolística de máis de 20 anos de traxectoria e máis de 550 partidos oficiais disputados, repartidos en 13 clubs. O canteirán do Leganés, que xogaba como mediocentro organizador, pasou por Segunda División, Segunda B e Terceira.
Agora, asume con ilusión o reto da SD Compostela, con moita ambición por demostrar a súa capacidade nos bancos.
Os teus éxitos serán os nosos. Benvido!
