-
Samu Rodríguez, Xogador Cinco Estrellas desta campaña, renova ata 2026, polo que cumprirá unha década como compostelanista
Santiago de Compostela, 23 de maio de 2024
De 2016 a 2026. Samu Rodríguez é historia viva da SD Compostela e seguirao sendo dous anos máis. O capitán, nomeado Xogador Cinco Estrellas desta tempada, seguirá liderando o proxecto branquiazul, comandando o centro do campo do Compos.
A renovación de Samu supón a continuidade dun dos puntais do club, un xogador clave nestas últimas oito campañas e fundamental no esquema de Antón Permuy no final do pasado curso.
O Compos asegúrase así o compromiso dun futbolista que o deixa todo no campo e que foi un gran exemplo para todos nestes anos. Ademais, é un claro referente de traballo duro e constante, un sacrificio que lle levou a superar a grave lesión que sufriu en Tarazona, para terminar esta tempada en plena forma.
Coa súa renovación, Antón Permuy asegúrase a continuidade dun da xogadores clave do persoal
Nesta última media campaña, Samu disputou quince encontros, anotando tres goles, o seu mellor rexistro nunha tempada desde que viste a camiseta do Compos, o que demostra a súa evolución.
En total, actualmente, Samu Rodríguez leva disputados 197 partidos coa SD Compostela, polo que este próximo curso superará a cifra redonda dos douscentos encontros.
Todo ese potencial seguirao demostrando sobre o verde do Vero Boquete polo ben do seu Compos. Samu, un dos nosos!
