Viaxa no Bus do Compos a Santander

• A inscrición para o autocar está aberta ata o xoves ás 20.00 horas no formulario https://bit.ly/BusComposSantander

Santiago de Compostela, 2 de maio de 2023

Última saída da liga para a SD Compostela e un partido importantísimo para achegarse ao playoff de ascenso. O Compos mídese ao Raio Cantabria en Santander e os nosos necesitan o teu apoio. Súbete ao Bus do Compos, gratuíto para os afeccionados, e anima aos nosos neste duelo crucial. A inscrición para o autocar estará aberta ata o xoves, ás 20.00 horas, no seguinte formulario: https://bit.ly/BusComposSantander.

• Esta nova iniciativa realízase grazas á colaboración do Século IX, Restaurante Central, Bar Caminante, Tapería O Piorno e a Consultaría Simplemente Avanza

Esta iniciativa, que se suma ás xa realizadas con anterioridade, lévase a cabo grazas á colaboración do Pub Século IX, Restaurante Central, Bar Caminante, Tapería O Piorno e a Consultaría Simplemente Avanza. Co seu apoio, sairá un novo autobús de 55 prazas para apoiar ao Compos no encontro deste domingo, ás 12.00 horas nas Instalacións Municipais Nando Yosu Campo 1, contra o Raio Cantabria.

Como en anteriores ocasións, será preciso cubrir o 80% das prazas ofertas para que o autocar saia adiante. Ao ser encontro matinal, a saída do bus está prevista para as 5.00 horas da madrugada, desde a Porta 1 do Estadio Verónica Boquete de San Lázaro. Pola súa banda, o regreso será ás 16.00 horas, co obxectivo de deixar tempo para a comida, chegando á capital galega sobre as 21.30 horas.

Cabe citar que, para reservar a praza no autobús, tan só fai falta cubrir os datos que se requiren no formulario, xa que automaticamente se asigna un asento para o mesmo.

Igualmente, sinalar tamén que o desprazamento non inclúe a entrada do partido. Esta deberá comprarse no despacho de billetes do campo de fútbol, cun prezo único de 12€.

Neste penúltimo partido de liga regular, necesitamos que o campo cántabro sexa un pequeno Vero Boquete. Unha vitoria achegaría moitísimo a clasificación para o playoff, polo que os nosos necesitan ese pequeno empuxón para selala. Viaxa cos nosos e anímaos neste partidazo. Esperámoste no Bus do Compos!